“Tramp hələ də sizin prezidentinizdir” – Ağ Ev

ABŞ-də aralıq seçkilərində Respublikaçılar Partiyasının məğlubiyyətindən sonra Ağ Ev Donald Trampın fotosunu diqqətçəkən qeydlə paylaşıb.

Modern.az xəbər verir ki, fotonun üzərində “Xatırladırıq: Tramp hələ də sizin prezidentinizdir” sözləri yazılıb.

Ağ Evin Kommunikasiyalar üzrə direktoru Stiven Çunq da eyni məzmunlu paylaşım edərək bu mesaja diqqət çəkib.

Paylaşımlar Demokratların Konqresdə üstünlük əldə etməsindən sonra yayımlanıb. Seçkilərin nəticələri Demokratlara qanunvericilik prosesində və prezident administrasiyasına nəzarət məsələlərində daha geniş imkanlar yaradır.

Bununla belə, Konqresdə siyasi qüvvələr nisbətinin dəyişməsi Donald Trampın prezidentlik səlahiyyətlərinə təsir etmir.