Kraliçaya polkovnik-leytenant rütbəsi verildi

Niderland kralı Villem-Aleksandrın həyat yoldaşı, kraliça Maksima hərbi hazırlığı başa vurduqdan sonra quru qoşunlarının polkovnik-leytenant rütbəli ehtiyat zabiti olub.

Hurriyyet.net  xəbər verir ki, bu barədə Niderland Kral Sarayının məlumatında deyilir.

Kraliçanın da aralarında olduğu 23 ehtiyat zabiti quru qoşunlarının komandanı, general-leytenant Yan Svilensə and içiblər.

"Ehtiyatda olan hərbçi kimi hərbi hazırlığı başa vurduqdan və and içdikdən sonra o, quru qoşunlarının polkovnik-leytenantı rütbəsini alıb", - deyə məlumatda bildirilir.

Mərasim cümə günü Breda şəhərindəki Kral Hərbi Akademiyasında baş tutub.